Medal of Honor chega ás tendas esta semana
mércores, 13 de outubro do 2010
Aproveitando que
o novo Call of Duty non chega ás
tendas ata o mes que vén, Electronic Arts está a distribuír unha nova entrega
de Medal of Honor para Xbox 360,
PlayStation 3 e PC que sairá oficialmente o vindeiro venres (aínda que non
sería de sorprender que mañá comeza a súa venda en numerosas tendas) e que
suporá unha interesante renovación desta franquía que xa ten 10 anos de vida, e
que agora leva a acción a Afganistán fuxindo da Segunda Guerra Mundial (como
tamén fai Treyarch co seu CoD: Black Ops).
O novo Medal of Honor integra ao
xogador nos Tier 1 Operators, un grupo de forzas especiais que opera alí onde a
misión non pode fallar, e que neste título combinará unha emocionante visión da
guerra de Afganistán nunha campaña para un xogador (creada por Danger Clos) á
vez que tamén presentará un intenso modo multi-xogador (obra de DICE).
Os
usuarios de PlayStation 3 recibirán de balde co xogo un remake en alta definición do vello Medal of Honor: Frontline, ambientado no desembarco de
Normandía.
Trailer de lanzamento do novo Medal of Honor