Media Markt abre na Coruña a súa segunda tenda en Galicia
mércores, 28 de outubro do 2009
A empresa xermana Media Markt, o
maior especialista europeo en informática, audio-vídeo,
fotografía, telecomunicacións e electrodomésticos, continúa coa súa política de
expansión nacional e afianza a súa presenza en Galicia coa apertura dun centro
na Coruña, mañá xoves 29 de Outubro, que únese á
tenda de Vigo, en funcionamento dende febreiro de
2008. O novo establecemento, cunha superficie comercial de 3.000 m2,
supón a creación dun cento de postos de traballo directo. Con este novo centro,
Media Markt sumará un total de 51 establecementos
distribuídos por toda España.
- Álvaro Jiménez e Xavier Rofes foron os encargados de presentar ante os medios de comunicación a segunda tenda galega de Media Markt.
Situada no Centro Comercial Dolce Vita, Media Markt A Coruña segue fiel á filosofía que rexeu a compañía dende
as súas orixes: asesoramento persoal e profesional ao cliente. O novo Media Markt dispón dun espazo interactivo único na Coruña no que os amantes das consolas poden probar os tres
principais dispositivos (Wii, Xbox
360 e PS3) cunha extensa selección de xogos e accesorios, co que buscan
achegarse a un público mozo, que é o principal obxectivo desta cadea de tendas
de electrónica de consumo.
Por outra banda exporanse as últimas novidades en lecer e electrónica de gama
alta, coma o televisor
LCD Philips Cinema 21:9 de 56 polgadas, o único modelo do mundo con
formato 21:9 panorámico que utiliza o formato real en que se gravan as
películas de cine. Tamén conta cun espazo especial de informática que inclúe as
últimas novidades de Apple e unha zona dedicada á
nova tecnoloxía 3D aplicada á informática.
O novo establecemento, que en motivo da súa apertura mañá abrirá a partir das
9:00 horas, agardando recibir a máis de 20.000 clientes durante a súa grande
inauguración, porá a disposición do público coruñés unha oferta de 50.000
produtos de primeiras marcas e marcas galegas de referencia no sector, coma Blusens.
- O xerente do establecemento coruñés, Álvaro Jiménez, amosando o televisor Philips Cinema 21:9
Poderanse atopar, ademais novidades do sector das
novas tecnoloxías, a electrónica, a informática doméstica, a telefonía móbil
(con presenza de produtos da compañías máis importantes), o lecer e os
electrodomésticos nun só espazo, sempre co compromiso de prezo mínimo, garantía
de funcionamento e a posibilidade de devolución dos cartos en caso de non
quedar satisfeito co artigo adquirido.
Cuestionados sobre o peso que teñen as distintas liñas de produto no novo
establecemento, o xerente do centro, Álvaro Jiménez, asegurou que a informática
e a imaxe e son supón o 40% do seu negocio, ao que o director xeral de Media
Markt, Xavier Rofes, engadiu que se sumamos todas as liñas do lecer electrónico
chegan ao 70% do seu catálogo de produtos, dando a entender que o crecemento do
sector e moi elevado, especialmente coa chegada de novas tecnoloxías aos
televisores (destacando as pantallas LED como unha opción a ter cada día máis
en conta), os reprodutores multimedia portátiles (en constante renovación), a
converxencia nos teléfonos móbiles de distintas tecnoloxías… en definitiva, a
comercialización de produtos en constante evolución e con grande dinamismo, que
fai de Media Markt un negocio rendible baixo a premisa duns prezos agresivos.
- O director rexional de Media Markt, Xavier Rofes, destacou o peso dos videoxogos coma elemento para chegar a un público mozo, asegurando que nas prazas onde teñen presenza son líderes na venda deste tipo de produtos (tanto hardware coma software)
- Os principais operadores de telefonía móbil terán un espazo no Media Markt coruñés
- No establecemento non faltaban os receptores para a TDT Premium
- Jiménez facendo unha demostración dos produtos de car audio
Catálogo de ofertas de lanzamento do novo Media Markt