Microsoft anuncia uns decepcionantes Xogos con Gold para setembro

martes, 28 de agosto do 2018 Marcus Fernández

Microsoft desvelou hoxe os Xogos con Gold do mes de setembro, que baixan considerablemente de nivel con respecto a meses anteriores, xa que os xogos para Xbox One son títulos independentes que poderiamos definir como completamente descoñecidos: Prison Architect e Livelock.
Aparte destes dous xogos totalmente prescindibles, tamén ofreceranse un par de xogos de Xbox 360 que poden gozarse en Xbox One grazas á retrocompatibilidade, como son o divertido LEGO Star Wars III e SEGA Vintage Collection: Monster World (recompilación dos clásicos xogos de rol e acción Wonder Boy in Monster Land, Wonder Boy in Monster World e Monster World IV, que están relativamente de actualidade xa que Wonder Boy III estreou remake en alta definición o ano pasado).

PUBLICIDADE