Mundos Digitales supera os 1.500 asistentes

luns, 10 de xullo do 2023 Marcus Fernández

O Congreso Internacional de Animación, Efectos Visuais e Novos Media Mundos Digitales pechou o pasado sábado a súa edición 21º coa maior afluencia de público na súa historia, con máis de 1.500 asistentes, sendo tamén relevante a participación de preto de 30 empresas na Feira de Emprego e un programa con máis de 30 relatorios, presentacións, charlas e eventos para profesionais do sector. En vista de tal éxito non houbo dúbidas á hora de citar aos asistentes a volver á Coruña entre os días 4 e 6 de xullo de 2024.
Na xornada de clausura, aparte de completarse o programa de actividades, celebrouse a entrega de premios que recoñecen o traballo dos profesionais do sector. Aparte do Premio Especial Mundos Digitales para Juan Cañada (profesional con grandes aportacións ao mundos dos gráficos xerados por ordenador), tamén se entregaron outros 4 galardóns:
- Mellor Curtametraxe de Animación e Premio Especial do Público para Canary, unha fermosa mostra da tecnoloxía ao servizo da emoción e a creatividade.
- Mellor Curtametraxe de Animación Nacional para Amarradas, obra que o xurado recoñeceu pola súa mensaxe profunda, que conseguiu o seu obxectivo sen grandes artificios visuais.
- Premio Especial do Xurado para Tribes, obra que conseguiu o recoñecemento do xurado polo enorme talento narrativo e técnico amosado nunha breve peza audiovisual.