NBA 2K14 ofrecerase a través de PlayStation Plus no mes de xuño

xoves, 29 de maio do 2014 Marcus Fernández

JPEG - 100.8 KB
Os usuarios de PS3 con PS Plus poderán gozar en xuño de NBA 2K14

No mes de xuño o servizo PlayStation Plus cumprirá 4 anos, tempo no que evolucionou a pasos axigantados, especialmente co lanzamento da colección de xogos instantáneos que xa están dispoñibles para PS3, PS Vita e PS4, e converténdose nunha parte fundamental da estratexia da PlayStation 4. Agora, continuando no seu fornecemento, confirman que os membros de PlayStation Plus poderán gozar na súa colección de xogos instantáneos con 2 xogos por plataforma cada mes. Tamén mudan o xeito de publicación dos xogos, de xeito que, a partires de xullo, os títulos incorporaranse o primeiro mércores de cada mes e estarán dispoñibles para a súa descarga ata o primeiro mércores do mes seguinte.
Durante o mes de xuño os xogos que formarán parte deste atractivo servizo serán bastante modestos no caso da PlayStation 4 (Pixeljunk Shooter Ultimate e Trine 2: The Complete Story), pero para a PlayStation 3 a oferta será moito máis interesante, co xogo de terror psicolóxico Lone Survivor (Director’s Cut) (que inclúe Cross-Buy) e o magnífico xogo deportivo NBA 2K14, que posiblemente sexa o mellor título de baloncesto visto ata o momento, polo que os seareiros deste tipo de xogos estarán encantados de poder gozar do mesmo.
No caso da PS Vita os xogos tamén serán bastante discretos: Dragon’s Crown e Surge Deluxe.


Vídeo promocional dos xogos instantáneos que incluirá PlayStation Plus no mes de xuño

PUBLICIDADE