Netflix eliminará case todos os seus especiais interactivos

En 2017 Netflix decidiu apostar polas historias interactivas como un xeito de crear experiencias exclusivas da súa plataforma, axudándolle a consolidar a súa posición líder no mercado do streaming. Comezou coas aventuras de El Gato con Botas: Atrapado en un cuento épico que podía lembrarnos aos clásicos libros de Elige tu propia aventura.
O formato conseguiu grande relevancia en 2018 con Bandersnatch, un episodio especial da serie Black Mirror, e incluso sorprendeu empregándose para xogos de preguntas como Preguntados e Triviaverso, pero finalmente o experimento parece ter chegado á súa fin, e dos 24 títulos dispoñibles actualmente só quedarán 4 (Black Mirror: Bandersnatch, You vs. Wild, Unbreakable Kimmy Schmidt: Kimmy vs. El Reverendo e Ranveer vs. Wild with Bear Grylls), polo que as experiencias interactivas de Jurassic World, Bebé En Cueiros, Capitán Calconcillos, Barbie e Spirit, entre outras, dirán adeus, o que a priori supón un adeus definitivo, xa que estas producións non poden consumirse fóra de Netflix dado o seu formato interactivo.
A ficción interactiva está destinada ao fracaso? É difícil anticipalo, pero esta recollida de cable de Netflix dá a entender que actualmente non compensa investir no formato.