Novo dispositivo de control sen fíos

martes, 16 de xuño do 2009 Marcus Fernández

Hillcrest Labs vén de achegar ao mercado o seu dispositivo apuntador Loop, que é unha especie de rato informático con forma de pulseira que se suxeita coa man, e que permite mover o cursor na pantalla xirando o pulso, o que sería cómo para usuarios que conecten o seu ordenador ao televisor para navegar pola web ou reproducir contidos multimedia.
O Loop conta con botón e mesmo con roda de desprazamento, comunícase co PC sen fíos grazas a un receptor USB 2.0 de pequeno tamaño (compatible con PC e Mac sen precisar dun controlador específico) e finalmente está á venda por 99 dólares (71,52 euros).
Este revolucionario dispositivo a medio camiño entre un rato e un Wiimote pode servir tanto coma substituto dun rato informático, como para realizar presentacións de PowerPoint, aínda que tamén pode utilizarse para controlar o navegador web da PlayStation 3, para moverse entre os contidos almacenado nun Apple TV ou para manexar un reprodutor de alta definición Kodak Theatre.

PUBLICIDADE