Novo monitor USB de Toshiba
martes, 22 de marzo do 2011
Toshiba
incorporou silenciosamente ao seu catálogo un novo
monitor USB de 14 polgadas e 1,27 quilos de peso que chega aos EE.UU.
a un prezo de 199,99 dólares (141,19 euros), polo que pode resultar
interesante como monitor secundario móbil (ideal para facer pequenas
presentacións cun ordenador portátil, sen ter que empregar proxectores nin
colocar a varias persoas ao redor da pantalla principal do ordenador).
Esta pantalla ten unha resolución de 1.366 x 768 pÃxeles, un tempo de resposta
de 16 milisegundos, compatibilidade con Windows XP/Vista/7 e a posibilidade de
operar a través dun único cable USB do que toman a alimentación á vez que non
precisa de conexións VGA, DVI ou HDMI (xa que a información presentada en
pantalla chega a través do propio cable USB).