Novos xogos ofértanse de balde para celebrar o 5º aniversario da App Store
xoves, 11 de xullo do 2013
Para celebrar o 5º aniversario da App Store moitas son as
aplicacións que pasan a ser temporalmente de balde, entre as que destacan xogos
de grande calidade como o coidado Badland,
o aditivo Tiny Wings, o famoso Where’s MyWater? ou o representativo dun
xénero de loita baseado en xestos Infinity
Blade II, aos que continúan a incorporarse xogos de grande calidade tanto
nas súas versións para iPhone/iPod Touch e iPad (que habitualmente teñen prezos que poden chegar ata os 7,99 euros).
Entre os xogos que podemos descargar agora de balde na tenda de aplicacións
para iOS están o xogo de PopCap Peggle (para iPhone e para iPad), o
terrorÃfico shooter de acción en
terceira persoal Dead Space (para iPhone
e para
iPad), o xogo de plataformas Mirror’s
Edge (para iPhone
e para
iPad), o curioso Flight Control (para
iPhone e para
iPad), Los Sims Medieval (para
iPhone e para
iPad) e incluso Mini Motor Racing
(para iPhone e para iPad). E se non
chegaban todos estes xogos,
vén de incorporarse a esta oferta de balde o supervendas Angry Birds Star Wars (para
iPhone e para
iPad).