O CES de Las Vegas mantén a súa edición presencial pese ás cancelacións

A preocupación polo incremento de casos da COVID-19 está a provocar que moitas compañías anuncien que non contarán con presencia física no CES de Las Vegas, e tras os anuncios de compañías como Lenovo, T-Mobile, AT&T, Amazon, Waymo, Meta, Twitter e Pinterest, chega agora Intel, empresa que opta por celebrar as súas presentacións de xeito virtual, deixando ao mínimo o seu expositor no evento.
Ante esta situación a organización do CES tivo que realizar un comunicado insistindo en que o evento vai manterse presencialmente, e asegurando que ofrecerán experiencias dixitais para as persoas que non poidan acudir en persoa. Neste momento habería unhas 2.200 compañías que confirmaron a súa presentación no CES 2022, evento que quere manterse, para o que tomaron numerosas medidas de seguridade, e confían en que os asistentes en persoa manteñan a distancia social e así o evento poida desenvolverse con éxito aínda que sexa cun nivel de asistencia reducido.