O CITIC abre o prazo de recepción de abstracts para o cuarto Congreso XoveTIC, que se celebra en outubro
mércores, 12 de maio do 2021
O
Congreso XoveTIC organizado polo Centro de Investigación TIC, unha
cita referencial para dar visibilidade e reivindicar o talento
tecnolóxico das novas xeracións de investigadoras e investigadores,
vaise celebra en outubro, os días 7 e 8, e xa ten aberto neste intre
o prazo para a recepción de abstracts, que estará aberto até
o vindeiro 25 de xuño. Será a cuarta edición do congreso e virá
en formato virtual.
Segundo
informa o CITIC, este evento científico está destinado ao persoal
investigador júnior (predoutoral e posdoutoral) para presentar
comunicacións orais ou pósteres das súas investigacións no ámbito
das TIC (Tecnoloxías da Información e a Comunicación). Ademais,
tamén están previstas conferencias plenarias e obradoiros de
formación.
O
obxectivo do XoveTIC é “construír un espazo de encontro para o
debate científico e contribuír á formación dos mozos
investigadores”.
Xa
está aberto o prazo de recepción de abstratcs ata o próximo
25 de xuño. As contribucións poderán ser orixinais ou traballos
adaptados xa presentados noutros foros, e todos os traballos que se
acepten serán publicados nun libro de actas.
Entre
todas as comunicacións orais presentadas, concederanse cinco premios
de 300 euros cada un ás mellor valoradas por parte do comité
científico, atendendo á súa calidade, excelencia e orixinalidade.
Na
súa pasada edición, o XoveTIC contou con máis de 100 asistentes e
nel presentáronse 60 comunicacións, tanto en formato oral como en
póster.
Segundo
explica o CITIC, o XoveTIC é “un congreso xenuíno que se
diferencia da maioría dos eventos análogos que se celebran en
España no ámbito das novas tecnoloxías, nos cales se reúnen
investigadores sénior con anos de experiencia”. Pola contra, o
XoveTIC preséntase como “o punto de partida de novas
investigacións e proxectos que impliquen cambios disruptivos na
sociedade e na tecnoloxía tal e como actualmente as coñecemos”.