O Centro de Linguas da UDC ofrece máis de trinta cursos en liña este verán
martes, 26 de maio do 2020
O
Centro
de Linguas da Universidade da Coruña ten programados máis de 30
cursos de formación para este verán, unha axenda formativa
histórica por varios motivos complementarios: polo importante número
de accións preparadas, pola súa diversidade e porque se trata da
primeira vez en que se ofrecen integramente en liña, ou sexa, polo
vieiro dixital. Con esta medida, a UDC quere garantir ao seu alumnado
e ao público en xeral “unha formación accesíbel e de calidade
logo das dificultades derivadas da pandemia da COVID-19”.
A
oferta presentada polo Centro de Linguas para os meses de xuño,
xullo e agosto inclúe diversos cursos de iniciación, nivel
intermedio e avanzado de inglés, francés, alemán, portugués e
italiano. A proposta formativa conta tamén con cursos de reforzo
para adquirir determinadas competencias nestas linguas ou para
preparar exames de certificación e mais de conversa.
Unha
parte deses máis de 30 cursos programados polo Centro de Linguas
para este verán servirán ao alumnado para mellorar as súas
presentacións tanto a nivel profesional como educativo en inglés ou
para enfrontarse a unha entrevista de traballo nesta mesma lingua.
Como novidade, tamén se inclúe un curso de iniciación ao alemán
empresarial, un de portugués empresarial e outro de inglés no eido
legal. Para máis datos cómpre visitar a
web do Centro de Linguas, que ofrece cumprida sobre o programa de
formación e como podemos tirar proveito del.