O Concello de Lalín informará das moitas vantaxes da nova plataforma de licitación electrónica
luns, 4 de marzo do 2019
O
Concello de Lalín vai organizar
este xoves unha xornada de formación sobre a nova plataforma de
licitación electrónica impulsada polo Goberno local. A cita,
destinada sobre todo ás empresas, está prevista para as 19.00 horas
na sala de prensa do consistorio, e será impartida pola empresa
Vortal, provedora do devandito servizo, apoiada por persoal municipal
do departamento de contratación.
A
xornada foi presentada polo alcalde de Lalín e responsábel de Novas
Tecnoloxías, Rafael Cuíña, e o tenente de alcalde, Nicolás
González Casares, quen salientaron que se quere facer fincapé no
gran obxectivo da plataforma devandita: facilitar e dar maior rapidez
á realización de trámites en materia de contratación pública e,
tamén, achegar máis a administración ao cidadán.
“A
posta en marcha do servizo”, sinalan, “responde ao continuo
traballo do Concello de Lalín de modernizar os procedementos de
xestión interna e poder ofrecer sempre un servizo de calidade,
eficaz e transparente, así como avanzar na Administración
Electrónica”. Así mesmo, a iniciativa “xorde como unha
necesidade de adaptación á lexislación actual que impón aos
organismos de contratación a obriga de implementar o formato
electrónico na contratación pública”.
O
Concello de Lalín entende esta obriga legal como “unha
oportunidade de cambio xeradora de beneficio” tanto para os
provedores como para a propia administración xa que “se traduce
nunha maior comodidade na tramitación”, poñendo en xogo vantaxes
concretas como unha limitación no número de desprazamentos, un
incremento da transparencia, unhas maiores concorrencia e
participación do tecido empresarial, unha apertura de mercado e,
tamén, a posibilidade de medrar ao permitir interactuar con
entidades doutros ámbitos xeográficos.