O Nokia 7900 Crystal Prism, a nova xoia da telefonía móbil

Nokia, trala presentación dun par de terminais de baixo prezo, decidiu amosar un novo móbil que vai nunha liña totalmente oposta, que se incorpora á familia Prism, cun deseño xeométrico e esteticamente impresionante, que presenta un botón central en forma de cristal de zafiro e unha cuberta traseira de alumino percorrida por liñas curvas.
O Nokia 7900 Crystal Prism ten 1 Gb de memoria interna, reprodutor de música e vídeo, pantalla OLED cunha resolución de 320 x 240 píxeles, cámara de 2 Mpíxeles con flash, e conectividade 3G, que se venderá no primeiro trimestre do ano por uns 375 euros (sen IVE).
O usuario tamén pode personalizar a luz do keymat elixindo entre 49 cores distintas.