O Samsung Galaxy Alpha podería contar cun marco metálico

luns, 4 de agosto do 2014 Marcus Fernández

Son moitos os fabricantes de móbiles que queren fuxir dos acabados de plástico para dar un toque de calidade aos seus smartphones, e aínda que Samsung caracterízase precisamente por non seguir tal senda, finalmente parece que vai explorala se atendemos ás imaxes filtradas do Samsung Galaxy Alpha, terminal que amosaría un marco metálico e un botón físico frontal, composición física da que posiblemente fuxiu antes para evitar as posibles acusacións de plaxio do iPhone.
Polo momento coméntase que o Galaxy Alpha chegará ao mercado cunha pantalla de 4,8 polgadas de alta definición (720p), cámara traseira de 13 (ou 12) Mpíxeles, procesador Samsung Exynos 5433 de 8 núcleos, 2 Gb de RAM, 32 Gb de almacenamento interno e Android 4.4.4, de xeito que sería un máis que aceptable smartphone de gama media que presentaría un elegante marco metálico, que sería o seu principal distintivo.

PUBLICIDADE