O iDive 300 permite mergullarse a 90 metros de profundidade cun iPod

As caixas estancas para colocar reprodutores multimedia para poder escoitar música na praia, en embarcacións ou mesmo nadando son algo relativamente habitual, pero dende H2O Audio sorprenden co seu iDive 300, que promete unha resistencia á auga ata unha profundidade de 300 pés (90 metros), ou sexa, que permitiría o uso de reprodutores iPod mentres se mergulla, contando incluso cun botón que permite utilizar a roda ou a pantalla táctiles dos reprodutores debaixo da auga.
Os auriculares somerxibles incluídos nesta carcasa están deseñados para conectarse de xeito doado á máscara de mergullo. O sistema tamén conta cun amplificador integrado para achegar un son estéreo de alta calidade.
Aparte de para escoitar música debaixo da auga, os seus fabricantes tamén recomendan o iDive 300 para ver vídeos durante a espera de descompresión tras un tempo a certa profundidade.
O iDive 300 se vende a 349,99 dólares (279 euros) e é compatible con reprodutores iPod Touch, Classic e nano.