O novo Saints Row adía o seu lanzamento até agosto de 2022

mércores, 17 de novembro do 2021 Marcus Fernández

A saga de xogos Saints Row tiña previsto reiniciarse o vindeiro 25 de febreiro, pero finalmente tiveron que anunciar que o lanzamento do novo Saints Row non terá lugar até o 23 de agosto de 2022, argumentando que de manter a data de lanzamento inicial o título chegaría cun nivel de calidade que non satisfaría aos seareiros da saga.
Jim Boone, director creativo de Volition, recoñece que subestimaron o impacto da COVID-19 no seu calendario, xa que conseguiron adaptarse rápido ao traballo remoto e mantiveron a súa produtividade, pero o tamaño do proxecto e o nivel de pulido que precisa require de máis meses de traballo, confiando en que o xogo que chegue finalmente ao mercado o vindeiro verán compense a longa espera.

Tráiler do vindeiro Saints Row

PUBLICIDADE