O streaming da obra O charco de Ulises acada 800 conexións desde 18 países
luns, 25 de xaneiro do 2021
O
Centro
Dramático Galego (CDG) inaugurou o seu servizo de emisión en liña
dos seus espectáculos coa montaxe O charco de Ulises,
nunha sesión que contou cun coloquio en streaming desde o
Salón Teatro de Santiago de Compostela e que foi seguida a través
de 800 dispositivos conectados desde 18 países de catro continentes
diferentes.
O
evento acolleu a persoas de outras comunidades autónomas de España,
así como doutros países de Europa (Alemaña, Francia, Holanda,
Italia, República Checa, Reino Unido, Suecia, Suiza), de América
(Arxentina, Brasil, EE.UU., México, Uruguai), de África
(Mozambique) e de Asia (Singapur e Turquía).
A
montaxe O charco de Ulises foi o inicio desta nova actividade
do CDG, tratando unha versión libre do clásico grego, desde a
perspectiva da emigración galega.
O
texto sitúa o clásico Homero nun contexto transatlántico, que
narra a vida de Ulises vinculado co fenómeno da emigración galega
cun marcado compoñente poético. A proposta do mito orixinal de
Ulises muda Ítaca por Galicia, Troia por Buenos Aires e o
Mediterráneo polo Atlántico.
A
iniciativa, dada a gran repercusión que tivo e a boa interacción
entre os participantes, abre novas vías de achegamento ao público
no actual contexto de restricións de actividades e de limitación de
mobilidade por mor da COVID-19.
