Os prezos das memorias Flash poderían subir por mor da COVID-19

A rápida expansión da COVID-19 levou a que Samsung decidirse pechar temporalmente ás súas instalacións de fabricación en Xi’an (China), asegurando que tal medida non afectará aos seus clientes, pero o feito de que desas fábricas saían o 42,5% de produtos NAND Flash de Samsung e o 15,3% da produción mundial destes produtos dá a entender que non creará un desabastecemento de memorias NAND Flash, aínda que si podería afectar ao prezo destes produtos.
Se atendemos aos precedentes, durante o confinamento non se esgotaron as existencias globais de memorias NAND Flash (empregadas principalmente como almacenamento interno de ordenadores e dispositivos móbiles), pero os prezos non baixaron ao ritmo ao que estabamos afeitos e incluso chegaron a subir, situación que podería replicarse a primeiros de 2022 por mor da caída de produción.
Queda por ver se, aparte das instalacións de Xi’an, a CÖVID-19 non leva ao peche de máis fábricas de compoñentes electrónicos que poidan afectar á cadea de produción mundial, dificultando a xa complicada situación do mercado dos semicondutores.