Os subscritores de Prime poden gozar de Death Stranding en streaming

Os subscritores de Amazon Prime poden comezar decembro con bo pé se son amantes dos videoxogos, xa que Prime Gaming está a incorporar novos xogos que lles achega sen custo adicional, entres os que figuran grandes títulos como Star Wars: Bounty Hunter, Tomb Raider: Underworld, Overcooked! 2 e Call of Juarez: Gunslinger, e aos que nos vindeiros días se incorporarán tamén outras xoias como Quake II, Wall-E e Predator: Hunting Grounds, entre outros.
Pero para moitos será máis interesante a ampliación de xogos que poden utilizarse a través da nube de Amazon Luna, como Death Stranding Director’s Cut (que xustamente chegou a Xbox Series X|S e Amazon Luna hai un mes), a aventura de ciencia ficción The Expanse: A Telltale Series Deluxe Edition ou o frenético xogo de condución Split/Second.