PUBG superou os 3 millóns de usuarios en Xbox One

venres, 12 de xaneiro do 2018 Marcus Fernández

O xogo PLAYERUNKNOWN’S BATTLEGROUNDS (PUBG) foi claramente o fenómeno do ano 2017, pese a que até decembro non lanzou a súa versión oficial para PC, plataforma na que normalmente supera os 2 millóns de usuarios simultáneos con picos de máis de 3 millóns, e aínda que a versión para Xbox One aínda é preliminar, o seu éxito é innegable, e non conforme con superar o millón de xogadores en 48 horas, agora Microsoft confirma que a un mes do seu lanzamento como Game Preview conseguiu superar os 3 millóns de xogadores.
O lanzamento de PUBG dentro do programa Xbox Game Preview o pasado 12 de decembro lembra á súa publicación en acceso anticipado en Steam, de xeito que o xogo está dispoñible para os entusiastas xogadores, pero o seu estada está aínda inmaturo, con numerosos fallos que van pulíndose pouco a pouco, de xeito que recibe actualizacións frecuentes para ir corrixindo os problemas detectados e ir engadindo prestacións para que en poucos meses poida estar á altura da versión para PC e consolidarse así como un importante reclamo para Xbox One e moi especialmente para a Xbox One X, consola na que PUBG pode verse en ultra alta definición.

Tráiler de lanzamento de PUBG para Xbox One

PUBLICIDADE