Paramount+ chegará finalmente a España como SkyShowtime

martes, 6 de setembro do 2022 Marcus Fernández

Somerxidos en toda unha guerra de servizos de streaming, estabamos á espera da chegada a España de Paramount+, pero finalmente non será esa a marca que se espallará por Europa, e Sky e Paramount anuncian que o vindeiro día 20 lanzarán en Dinamarca, Finlandia, Noruega e Suecia a plataforma SkyShowtime, que incluirá contidos de Paramount+, Showtime e Peacock, o que supón máis de 10.000 horas de contidos audiovisuais, entre os que non haberá só series de televisión, senón tamén filmes de Paramount Pictures e Universal Pictures.
Este novo servizo terá un prezo de 6,99 euros e poderase seguir dende dispositivos con iOS ou Android, así como a través da súa páxina web. Chegará a Países Baixos a finais de ano, e para 2023 está previsto a súa chegada a moitos outros países europeos entre os que figuran España e Portugal.

PUBLICIDADE