Photoshop integra a intelixencia artificial xenerativa
martes, 23 de maio do 2023
No mes de marzo presentouse
Adobe Firefly como unha ferramenta de intelixencia artificial xenerativa
aplicada á creación de imaxes, e agora van un paso máis aló e integran
esta tecnoloxÃa directamente en Photoshop a través da función Generative
Fill ou Recheo Xenerativo, o que supón un importante cambio nos
fluxos de traballo, xa que a aplicación de retoque e creación de imaxes de
referencia abraza a xeración de imaxes con IA sen ter que recorrer a aplicacións
externas.
A nova funcionalidade, que permite engadir, estender ou borrar contido de
imaxes de xeito non destrutivo en segundos mediante instrucións de texto está
xa dispoñible na nova versión de proba de Photoshop, integrándose na aplicación
oficial na segunda metade do presente ano.
Photoshop xa integran dende hai anos ferramentas baseadas en intelixencia
artificial, que normalmente limitábanse a axilizar tarefas, pero agora vai un
paso máis aló aproveitando as posibilidades da intelixencia artificial
xenerativa baseada nun adestramento con máis de cen millóns de referencias coa
garantÃa para os creadores de que o catálogo de imaxes empregado é da propia
Adobe, polo que crear contidos con esta ferramenta non será un problema de cara
a conflitos por dereitos de autor.