Plantas contra Zombis terá versión para Nintendo DS en 2011

luns, 4 de outubro do 2010 Marcus Fernández

Nos últimos meses chegou tanto ao iPad como ao Bazar de Xbox LIVE (Xbox 360) o xogo Plantas contra Zombis, que xa acadara un grande éxito no iPhone e no PC, e finalmente este título de PopCap Games vai comercializarse en soporte físico para a Nintendo DS, aparecendo xa listada esta última entrega na páxina web da norteamericana GameStop, onde agardan contar con este título para o 18 de xaneiro de 2011 a un prezo de 19,99 dólares.
A adaptación para DS deste xogo conservará todas as características xogables da súa entrega orixinal, coma os modos de aventura, supervivencia e puzzle, aos que hai que sumar 4 novos mini-xogos, modo versus para 2 xogadores e outro contido exclusivo e novo que agradecerán os xa iniciados un xogo que podemos considerar case coma un fenómeno.

PUBLICIDADE