Pontevedra e a tecnoloxía de Alma Industries converten o Mercado de Abastos nun lugar seguro fronte a COVID-19
martes, 27 de xullo do 2021
O
Concello de Pontevedra fixo balance dos fitos acadados polo sistema
de control de aforo do Mercado de Abastos, do que falamos en detalle
este
mes de xuño dende Código Cero para destacar a capacidade do
sistema para realizar visualización en tempo real dos visitantes e a
participación activa no proxecto da empresa Almas Industries, quen
proporcionou con esta tecnoloxía unha precisión do 95% e propiciou,
ademais, a creación dunha contorna “cen por cen segura”.
A
fórmula do éxito baséase en boa medida na colocación dunhas
pantallas onde os usuarios do Mercado poden ver o número de persoas
que se atopan en todo intre no interior do recinto, e cando é o
momento no que poden acceder ao inmóbel. Isto é posíbel grazas ao
sistema de B+SAFE de Almas
enfocado ao ámbito da saúde e a seguridade.
Segundo
se fixo saber no balance, unha 30.000 persoas pasaron no últimos
catro meses polo Mercado de Abastos de Pontevedra respectando os
controis de aforamento que non permiten superar a cifra de 150
visitantes simultáneos por planta.
O
sistema dispón dunha área de detección de até dous metros e
ofrece unha precisión do 95%.
Segundo
sinalou a consellería de Promoción Económica, a socialista Yoya
Blanco, “esta tecnoloxía punteira está a dar moita tranquilidade
aos traballadores e usuarios do Mercado, ofrecendo o detalle en tempo
real da afluencia de público, permitindo informar os clientes sobre
se deben acceder ou esperar, axudando a previr aglomeracións e
freando a posíbel propagación do coronavirus”.
E
engadiu: “No actual contexto de pandemia, a concentración de
persoas nos locais e as instalacións supón unha importante
problemática, en especial naquelas que teñen grandes fluxos de
público, como o Mercado de Abastos, que nestes momentos ten un
aforamento máximo de 150 usuarios por andar”.