Prototipo de lector de libros electrónicos de Bridgestone

venres, 17 de abril do 2009 Marcus Fernández

Entre os días 15 e 17 de abril estase a celebrar en Tokio a feira tecnolóxica Display 2009, na que recoñeceron nun dos premios do evento a tecnoloxía de papel electrónico QR-LPD de Bridgestone (que xa leva tempo dando que falar), que podería ser un bo exemplo do futuro dos lectores de libros electrónicos, dos que incluso púidose ver un prototipo cunha pantalla táctil de cor de 13 polgadas capaz de refrescar a súa imaxe en 0,8 segundos, e cunha vida útil estimada de entre 200.000 e 1 millón de páxinas.
Con estes avances entendemos que a tecnoloxía non será un atranco para o futuro dos lectores de libros electrónicos en cor e de grande tamaño, polo que incluso poderían alzarse como alternativa solvente a revistas ou comics, aínda que o seu prezo e as plataformas de distribución de contidos xogarán un papel decisivo no éxito deste tipo de produtos que deberán competir con sistemas informáticos, móbiles intelixentes e moitos outros dispositivos de lectura.

PUBLICIDADE