Publican a listaxe dos títulos máis xogados de PS5 no seu primeiro ano

Aínda que segue sen estar presente nos estantes das tendas por problemas de existencias, a PlayStation 5 celebra que xa leva un ano connosco. Estes meses estiveron cheos de grandes lanzamentos e coa vista posta en próximos títulos de grande peso (God of War Ragnarok, Gran Turismo 7 e Horizon Forbidden West), detallando dende Sony que a PS5 superou xa os 360 xogos, destacando que os PlayStation Studios traballan xa en máis de 25 novas producións.
Pero o máis curioso deste primeiro aniversario da PlayStation 5 é que aproveitaron para facer pública a listaxe dos 10 xogos máis xogados (en número de horas), e, curiosamente, predominan os títulos multiplataforma, cando normalmente entendemos que o público elixe consola en función dos seus títulos exclusivos.
Os dez títulos máis xogados de PlayStation 5 no seu primeiro ano foron, por esta orde:
– Fortnite
– Call of Duty: Black Ops Cold War
– FIFA 21
– NBA 2K21
– Assassin’s Creed Valhalla
– Destiny 2
– MLB The Show 21
– Marvel’s Spider-Man Miles Morales
– Demon’s Souls
– NBA 2K22