R-Type</Em> estreará versión para Android en setembro

xoves, 25 de agosto do 2011 Marcus Fernández

Os amantes dos videoxogos clásicos estarán encantados ao saber que o vindeiro 12 de setembro o desenvolvedor retro DotEmu vai comercializar unha versión oficial de R-Type para dispositivos co sistema operativo Android (tanto no Android Market como na Amazon AppStore).
R-Type é un xogo de naves de desprazamento lateral publicaron por Irem en 1987, que converteuse nun dos referentes do seu xénero, contando con versións para múltiples plataformas (recreativas, Amiga, Atari ST, Commodore 64, Spectrum, PC...) que na súa versión para Android vai conservar moitas características, de xeito que teremos multitude de elementos e power-ups que coleccionar, grandes inimigos en cadansúa fase do xogo, o seu característico sistema de disparo con carga e a posibilidade de compartir os resultados cos amigos a través de OpenFeint. Terá 2 modos de dificultade e un novo sistema de control intuitivo que busca facilitar o control da nave R-9a Arrowhead enfrontándose a numerosos inimigos mentres se evitan os seus ataques.

A estrea de R-Type para Android será o 12 de setembro
Durante o xogo poderemos acumular power-ups para facilitar a aniquilación dos inimigos
A versión para Android de R-Type conserva os míticos xefes finais

PUBLICIDADE