R abre o seu servizo de televisión online para todas as persoas hospitalizadas
venres, 27 de marzo do 2020
A
operadora R achegou este venres un novo feixe de novidades
relacionadas co estado de alarma e con iniciativas para mitigar o
confinamento das familias. Ao abeiro deste obxectivo de facer máis
levadía a reclusión, R abriu a TV Total no seu servizo TV Comigo co
fin de que tanto os clientes como os non clientes que estes días
están hospitalizados poidan acceder a, en palabras da operadora, “os
mellores contidos televisión”. A través deste servizo poden gozar
nos seus móbiles e tabletas de máis de 50 canles, milleiros de
contidos baixo demanda e a posibilidade de facer gravacións para ver
os contidos máis tarde.
O
funcionamento é o mesmo que para os clientes de R: hai que
descargarse a aplicación e loguearse. Tamén dispón de
versión web.
A
operadora lembra que esta proposta únese aos bonos de 30 GB
gratuítos de datos móbiles, “pensados tamén para aquelas persoas
que non dispoñen de rede Wi-Fi fixa ou teñen que traballar fóra de
casa”, e á apertura de canles infantís, educativos e de cinema
para todos os clientes con deco.
As
ditas canles infantís son Panda, Disney Junior, Disney XD, Baby TV,
Nick e Nick Jr.
Ademais,
como “axuda ao público novo que está a estudar nas súas casas”,
a operadora incorporou nas súas plataformas de vídeo baixo demanda
o especial de Canle Historia con máis de 25 programas históricos.
Con
estas medidas, R quere “facilitar o lecer ás familias”, xa que
se constatou que nestes momentos “o consumo medio diario de
televisión é de 5 horas diarias, isto é, un 31% máis do
habitual”.