R completa o Combo Sen Fin con Netflix e o novo servizo WiFi Mesh por 19 € ao mes

A operadora galega R presentou este venres novidades importantes sobre os seus combos. Concretamente sobre o seu Combo Sen Fin, que incorpora Netflix (incluíndo a versión HD deste servizo de streaming) e máis o novo servizo Wi-Fi Mesh, con xigas ilimitados na liña principal, Internet de 500 Mbps, TV con deco 4K e fixo. A compañía destaca o feito de que estas novidades do Combo Sen Fin con Netflix se ofrezan por “só 19 euros ao mes durante catro meses”.
Adicionalmente, todos os clientes de R que contraten ou dispoñan de calquera das modalidades de Combo Sen Fin, poderán gozar do paquete Netflix Fan de agasallo durante catro meses, que permite gozar de todos os contidos de Netflix e de 10 GB extra ao mes no móbil.
Por outra banda, co innovador servizo WiFi Mesh, a operadora de telecomunicacións ofrece un 100% de cobertura sen fíos na vivenda, máis velocidade na conexión de Wi-Fi e maior estabilidade en todos os dispositivos.