R porá a disposición dos seus clientes os contidos deportivos da plataforma DAZN
xoves, 13 de xaneiro do 2022
A
operadora de orixe galega R e DAZN, plataforma streaming de
deporte en directo e baixo demanda, acadaron un acordo para lles
ofrecer contido multideportivo aos/ás clientes/as da compañía
tecnolóxica. Será, en palabras da empresa de telecomunicacións, o
mellor contido internacional deste temática ao que poden ter acceso
hoxe en día os seareiros, “o catálogo máis amplo do mercado que
inclúe, amais de eventos en directo, historias inéditas e
exclusivas da man dos seus protagonistas a través de entrevistas,
reportaxes e producións orixinais DAZN Originals”.
En
definitiva, R porá ao alcance dos seus clientes “as máis
destacadas competicións do mundo do motor, tenis, baloncesto, boxeo
ou fútbol, entre outras disciplinas”, ás que se pode acceder
dende diversos dispositivos (smart TV, tabletas, vídeo-consolas...),
incluído o deco 4K de R.
En
palabras da operadora, esta alianza implica “unha promoción
exclusiva” para os seus clientes, incorporando unha subscrición
con tres meses de agasallo para as altas que se realicen antes do 31
de xaneiro. Ademais, DAZN non ten permanencia e, por conseguinte,
os/as clientes/as do operador poderán dar de baixa o servizo en
calquera momento.