R quere dar cobertura na práctica totalidade dos concellos da nosa terra
venres, 6 de marzo do 2020
R,
operadora de cable de orixe galega, quere levar os servizos dixitais
de telecomunicacións máis avanzados a todos os concellos da nosa
terra, un obxectivo que, segundo informou a compañía, está preto
de acadarse. Este despregue integral de fibra óptica no conxunto da
xeografía galega será posíbel grazas ao novo plan da empresa para
cubrir, coa súa rede, 151 novos concellos e arredor de 153.000
empresas e fogares nos que até o de agora R non tiña posibilidade
de ofrecer produtos ou onde tiña limitado o acceso á conectividade
mediante rede de fibra óptica.
Con
estas novas incorporacións, R poderá dar servizo a preto de
1.200.000 fogares e empresas nos 290 municipios galegos que dispoñen
de acceso a unha rede de fibra óptica, é dicir, “a práctica
totalidade de municipios de Galicia”.
Este
obxectivo comezará a fraguarse dende xa, ben a través da rede de
seu, ben a través de tecnoloxías e redes de terceiros, grazas ao
acordos para compartillar infraestruturas asinados recentemente con
Orange e Telefónica.
A
comunidade medra
Até
o día de hoxe, 139 dos 314 municipios que existen en Galicia tiñan
xa acceso á rede propia de
fibra
óptica de R. A partir deste momento, hai que sumar a estas 139,
outras 151 novas localidades
(preto
de 153.000 fogares e empresas), que poderán ter acceso aos produtos
e servizos de R, a
través
da rede de fibra óptica.
Os
clientes dos novos municipios terán acceso a 500 Mbps. de Internet,
30 GB de móbil e TV rebobina con deco 4K, por 19,9 euros ao mes.
Así,
nos vindeiros días, as veciñas e veciños destas 151 localidades
poderán xa acceder á oferta converxente completa do operador, que
inclúe telefonía fixa e móbil, Internet de banda larga fixa e
móbil, ademais de telefonía fixa con chamadas ilimitadas e
televisión dixital. En concreto, os novos clientes terán á súa
disposición acceso á que sería, en palabras da compañía, “a
mellor e máis completa oferta do operador con 500 Mbps de Internet,
30 GB de móbil con chamadas ilimitadas e TV rebobina con
decodificador Android 4K de alta definición, por 19,9 euros durante
o primeiros seis meses contratando antes do 31 de marzo”.
Todo
o que queremos saber, en R.gal
A
información sobre o acceso á rede de R en novos municipios está
dispoñíbel na web R.gal, onde se pode
consultar o mapa de cobertura, así como nas tendas da operadora e no
número 1445 de atención ao cliente. Amais, a compañía anunciou
que o presentador da CRTVG Xosé Ramón Gayoso irá informando no seu
espazo en vindeiras semanas de forma paulatina dos municipios aos que
chega a fibra óptica de R.
“En
R”, explica a dirección da empresa logo de anunciar estes
importantes obxectivos de seu, “culminamos deste xeito o despregue
da nosa rede e seguiremos apostando por ampliar as nosas
infraestruturas de telecomunicacións de última xeración na
totalidade das poboacións galegas, ben mediante rede propia, ben
apoiándonos noutras redes para conseguir levar a conectividade a
todos os fogares e empresas en todas as localidades de Galicia co
obxectivo último de reducir a fenda dixital”.