RTVE emitirá regularmente en 4K a partir do 15 de febreiro

A Televisión Dixital Terrestre (TDT) leva bastante tempo adiando a súa transformación tecnolóxica, para adaptarse ás novas resolucións, pero semella que finalmente o ano que vén veremos a súa agardada actualización, consolidando a alta definición en incluso abrindo a porta ao 4K.
Temos así que o Consello de Administración da Corporación RTVE aprobou que o 15 de febreiro de 2024 iniciarán as emisións regulares en Ultra Alta Definición (UHD) na TDT en aberto, data na que tamén realizarán o apagamento das canles en definición estándar.
Televisión Española xa leva tempo realizando probas de emisión en 4K en HDR e con Dolby Atmos, calidades coa que emitira os partidos do Mundial de fútbol de Catar, e aínda que até o 14 de febreiro de 2024 continuará a realizar as probas, será o vindeiro 15 de febreiro cando pasará a emitir regularmente no múltiple RGE2, ocupando así a capacidade que ten asignada RTVE nese múltiple segundo o Plan Técnico Nacional de TDT.