Rato USB con impresora de etiquetas

As impresoras térmicas de etiquetas de Dymo son todo un clásico nas oficinas que vén de fusionarse cun rato informático creando unha das converxencias máis curiosas dos últimos tempos.
Este dispositivo de Casio é un rato USB que inclúe unha impresora de etiquetas térmicas autocolantes, que se emprega mediante unha aplicación informática incluída que permite o uso de calquera tipografía TrueType instalada no ordenador (non tendo que limitarse á tipografía fixa como nas impresoras Dymo) de xeito que poidamos etiquetar de xeito cómodo, doado e elegante dende cintas de vídeo ata cartafoles.
As etiquetas desta curiosa impresora térmica pode ter un ancho máximo de 8 mm e unha lonxitude máxima de 50 mm. Mide 44 x 70 x 128 mm, pesa 184 gramos e se vende a través da Internet por 29 dólares (20,04 euros).