Reprodutor multimedia portátil 3D de Energy Sistem

venres, 16 de marzo do 2012 Marcus Fernández

A moda das pantallas 3D sen lentes chega aos reprodutores multimedia portátiles de Energy Sistem, compañía que vén de incorporar ao seu catálogo o Energy 3D HD Media Player 6608 Dar Iron, que conta cunha pantalla LED 3D de 6 polgadas cunha resolución de 800 x 480 píxeles e pode reproducir vídeo 3D (side-by-side) e 2D (DivX, Xvid, AVI, MPEG, H.264, MOV, RM, RMVB e MKV) en alta definición e con subtítulos, ver imaxes 3D (MPO e side-by-side) e 2D (JPEG, BMP e PNG) e reproducir música (MP3, WAV, WMA).
A súa capacidade interna (8 Gb) pode ampliarse mediante tarxetas microSDHC de ata 32 Gb, conta cun porto mini USB para poder acceder a contidos en dispositivos externos, a súa batería recargable permite ver ata 5 horas de vídeo ininterrompido ou escoitar 10 horas de música e o seu prezo é de 119 euros.

O novo reprodutor multimedia portátil de Energy Sistem súmase á moda das pantallas 3D sen lentes

PUBLICIDADE