Reprodutor portátil de iRiver con soporte de MKV a 720p

martes, 19 de xaneiro do 2010 Marcus Fernández

Os últimos procesadores están a permitir que os reprodutores multimedia portátiles poidan gozar de alta potencia, de xeito que incluso soporten prestacións avanzadas e formatos habitualmente limitados á pantalla do ordenador, e dentro deste liña presentan en Corea do Sur o K1 Smart HD de iRiver, que conta cunha pantalla multi-táctil de 3,5 polgadas cunha resolución de 480 x 320 píxeles, batería de 880 mAh que dálle unha autonomía de 18 horas para audio e 6 horas para vídeo, lector de tarxetas microSD, acelerómetro, conexión USB 2.0 e soportando audio en MP3, WMA, OGG, FLAC, APE, WAV e AC3, imaxes en JPEG, BMP, PNG, GIF e RAW, vídeo en MKV (ata 720p), AVI, WMV, MP4, TP, MPG e ASF e incluso subtítulos en SRT, documentos DOC, XLS, PPT, PDF e HTML.
O reprodutor ten un acabado metálico, mide 108 x 62,1 x 12,1 milímetros, pesa 120 gramos e véndese en capacidades de 8 e 16 Gb, e con distintas opcións de ampliación que incorporan Wi-Fi e receptor de televisión dixital terrestre móbil (DMB), de aí que o seu prezo oscile entre os 229.000 e os 349.000 wons (142,27 e 216,82 euros respectivamente).

JPEG - 40.6 KB
O K1 Smart HD leva á palma da man contidos que antes só podiamos reproducir nun PC

PUBLICIDADE