Resident Evil 6 terá un parche en decembro
mércores, 24 de outubro do 2012
Atendendo ás esixencias do público, Capcom decidiu preparar
unha actualización
de balde para o seu xogo Resident Evil 6,
que destaca por permitir axustar a cámara para poder obter un campo de visión
que se adapte ao noso estilo de xogo (corrixindo un detalle moi criticado, pois
a cámara chegaba a ser un atranco nalgúns momentos nos que o xogador padece
ataques de inimigos que chegan de fóra da pantalla), incrementa as opcións de
subtitulación (podendo agora escoitarse o audio en inglés con subtÃtulos
noutros idiomas), incorpórase un nivel de dificultade chamado No Hope que suporá un maior reto para os
xogadores máis experimentados e desbloqueará a campaña de Ada Wong para que non
sexa preciso superar as 3 anteriores para poder gozar da mesma.
Agárdase que o parche de Resident Evil 6 estea dispoñible ao
longo do mes de decembro.
- Asà é a configuración actual da cámara do xogo
- Tras o parche de decembro a cámara de Resident Evil 6 abrirá o seu ángulo para evitar sorpresas para o xogador