Ridiculous Fishing estrea versión para Android a través dun Humble Bundle
martes, 19 de novembro do 2013
O terceiro
lote de xogos para Android do proxecto Humble Bundle estreouse hoxe cunha
grande sorpresa, pois os que apoien esta promoción cunha cantidade
económica superior á media (menos de 3,6 euros no momento de escribir estas
liñas) poderá facerse adicionalmente cos xogos Kingdom Rush e Ridiculous
Fishing, o que supón a estrea deste último para Android, tras gozar de grande
éxito en iOS (plataforma na que foi considerado un dos mellores xogos
independentes de 2011).
Durante as vindeiras dúas semanas o Humble
Mobile Bundle 3 ofrecerá xogos para Android bastante atractivos, como o shooter post-apocalÃptico EPOCH, o quebracabezas espacial rymdkapsel, o xogo de palabras SpellTower e o hack-and-slash bidimensional Swordigo
(que ve a luz por primeira vez). Os usuarios poderán decidir os cartos que
pagan por estes xogos, e o reparto destes cargos, destinado parte dos ingresos
ás iniciativas solidarias Fronteiras Electrónicas (EFF) e Child’s Play Charity.
- O Humble Mobile Bundle 3 bota a andar con 4 + 2 xogos
VÃdeo promocional do Humble Mobile Bundle 3