Samsung amplÃa o número de televisores que poden acceder directamente ao xogo na nube de Xbox
mércores, 16 de novembro do 2022
De cara
ao Nadal semella que a marca protagonista do xogo na nube quere ser Samsung,
que xa introducira o seu Gaming Hub nos televisores e monitores de 2022 e agora
anuncian que até finais de anos irán ampliando a dispoñibilidade do xogo en
streaming a televisores de 2021, o que supón ampliar enormemente a base de
equipos que poderán acceder a servizos como Xbox Game Pass, nVIDIA GeForce NOW,
Utomik, Blacknut e Antstream Arcade (estes dous últimos servizos engadiranse en
2023).
No caso de nVIDIA Geforce NOW salientan que os televisores de Samsung serÃan
os primeiros do mercado en recibir a posibilidade de xogar de xeito nativo en
4K, deixando claro que cada vez temos un xogo en streaming máis potente e
comparable co das consolas tradicionais sempre que gocemos dunha boa conexión
de banda larga.
Dende Microsoft si consideran moi importante que Samsung
vaia facilitar o acceso a Xbox Cloud Gaming a moitos televisores fabricados a
partir de 2021, pois incrementan considerablemente o seu público potencial
e fan moi accesible o seu servizo de subscrición. Incluso chegan a apuntar que
tiñan pensado comercializar un dispositivo para poder gozar do xogo na nube en
calquera televisor, pero que o seu prezo serÃa tan elevado que finalmente desbotárono
para apostar por integrarse directamente en televisores, comezando polos da
marca Samsung, cos que chega con enlazar un mando Bluetooth para poder xogar a
potentes xogos de xeito instantáneo sen contar cunha consola de videoxogos e
sen ter que aturar os cansos procesos de descarga, instalación e actualización
que se padecen nas consolas.