Samsung presenta novas tarxetas de memoria para uso profesional
luns, 4 de setembro do 2023
Samsung
anunciou hoxe as súas novas tarxetas de memoria microSD e SD UHS-I Pro Ultimate,
orientadas a fotógrafos profesionais e creadores de contido que precisan tarxetas
de grande capacidade (até 512 GB) e grande velocidade (até 200 MB/seg.).
As tarxetas de memoria PRO Ultimate tiran o máximo proveito da interface UHS-I
con velocidades de lectura de até 200 MB/seg. e con velocidades de escritura de
até 130 MB/seg., de xeito que son unidades axeitadas para a gravación de
contidos en 4K, soportando as especificacións Video Speed Class 30 (V30).
Estas memorias tamén coidan a súa fiabilidade e durabilidade, xa que a
integridade dos datos almacenados é de suma importancia en contornos profesionais,
e como mostra da súa resistencia aseguran que poden aguantar até 72 horas a 2
metros de profundidade, sobrevivir a caÃdas de até 5 metros de altura, contan
con protección magnético e contra os raios X, aturan golpes de até 1.500 gramos
e incluso poden funcionar a temperaturas extremas (entre -25 ºC e 85 ºC.
O uso destas tarxetas de memoria é ideal para cámaras, ordenadores, dispositivos
móbiles e drons, que se empreguen para traballar con ficheiros multimedia de
grande tamaño.
As novas tarxetas de Samsung chegarán ao mercado no mes de outubro.
