Samsung presenta unha nova solución para a Internet das Cousas

Aínda que os procesadores Exynos de Samsung sexan coñecidos pola súa presenza en smartphones, tamén hai modelos dirixidos a outros ámbitos, como o novo Exynos i S111, que é un produto orientado á Internet das Cousas, xa que esta solución está optimizada para un baixo consumo, unha ampla cobertura, un posicionamento preciso e grande seguridade, de xeito que podería integrarse en dispositivos wearables ou incluso en sensores conectados. Esta solución de Samsung integra modem, procesador, memoria e Global Navigation Satellite System (GNSS) nun único chip, o que supón unha grande vantaxe para os fabricantes que integren esta tecnoloxía.
Dende Samsung aseguran que esta solución podería empregarse para transmitir datos de xeito continuo a unha distancia de até 10 qilómetros, o seu modem LTE soportaría velocidades de até 128 Kbps de baixada e 158 Kbps de subida e, para usos máis estáticos, podería manterse durmido até máis de 10 anos.