Samsung trae a España os seus televisores QLED 8K

Agora que os televisores con resolución 4K xa están normalizados, os fabricantes buscan continuar avanzando, polo que Samsung Electronics estrea hoxe comercialmente en España os seus televisores QLED 8K, que reafirman a aposta da compañía surcoreana coa nanotecnoloxía Quantum Dot, que permite visualizar até mil millóns de cores e ofrece até 16 veces a resolución do Full HD.
Dado que na actualidade apenas hai contidos 8K, os novos televisores están equipados cun procesador con intelixencia artificial que permite mellorar a calidade de imaxe e son que recoñecen o tipo de imaxe orixinal (SD, HD, Full HD ou 4K) para aplicar distintos algoritmos de escalado para conseguir unha maior nitidez en 8K.
Os televisores Samsung QLED 8K Q900R están dirixidos a usuarios moi esixentes que queren estar na vangarda, e conseguen unha calidade de imaxe sen precedentes, podendo mercarse en tres tamaños, 65”, 75” e 85” polgadas, a prezos de 4.999, 6.999 e 14.999 euros respectivamente.