Satdata deu conta da súa tecnoloxÃa na feira Expo Seguridade México
martes, 26 de abril do 2011
A empresa galega Satdata, con sede principal
na Coruña, participou
a mediados do mes de abril nun encontro internacional sobre novas tendencias e
tecnoloxÃas ao servizo da vixilancia e a seguridade. Estamos a falar da
xuntanza Expo Seguridade México,
unha das grandes citas mundiais de empresarios e profesionais do eido da
protección persoal e laboral e que se celebrou entre o 13 e o 14 de abril na
capital do paÃs centroamericano. Satdata, que acudiu ao abeiro do Programa de Iniciación á
Promoción Exterior (xunto con oito empresas máis), tivo oportunidade de
establecer contactos con outras empresas con vistas a futuras colaboracións e
intercambio de experiencias.
Segundo conta Satdata na súa páxina web, este
achegamento ao outros representantes internacionais do sector contou co
asesoramento de diversas asociacións mexicanas: a Asociación Mexicana da
Industria de TecnoloxÃas da Información, a Asociación Nacional de
Distribuidores de TecnoloxÃa Informática e Comunicacións (ANADIC), PROSOFTWARE,
a Asociación Nacional de Empresas de Rastrexo e Control Vehicular (ANERPV) e máis
o Consello Nacional de Seguridade Privada (CNSP).
Os encontros co sector, entre outras cousas,
puxeron de manifesto as importantes oportunidades de negocio que existen
arestora en México no terreo da seguridade e no control, un sector no que a
empresa galega ten unha experiencia ben longa, tanto no terreo do control
tecnolóxico das emerxencias como no deseño de recursos innovadores
para a supervisión e localización de efectivos móbiles. A maiores do
devandito, Sadtada participou en visitas guiadas pola mostra feiral,
itinerarios que contaron coa presenza de George Fletcher, director de
desenvolvemento de Negocio de Expo Seguridade, e con Miguel Arreola,
representante do departamento de Vendas para México e Latinoamérica do encontro
profesional, unha xuntanza que pasa por ser a máis importante do seu eido en América
Latina e que conta cunha media de 13.000 visitantes e 300 expositores.