Seagate lanza disco duro portátil con USB 3.0 e 1,5 Tb de capacidade

Seagate presentou o seu novo disco duro portátil (ou sexa, de 2,5 polgadas) FreeAgent GoFlex con conectividade USB 3.0 e que presume de ser o primeiro deste tipo en acadar os 1,5 Tbytes de capacidade. Aínda que funciona a grande velocidade a través de USB 3.0 (podendo transferir ata 25 Gb de datos en menos de 5 minutos) pode operar en portos USB 2.0 (levándolle a mesma transferencia de ficheiros uns 14 minutos).
Esta nova unidade de disco está en formato NTFS, pero aínda así é compatible tanto con Windows coma con Mac OS X por incorporar o controlador para Mac deste sistema de ficheiros, e xa está dispoñible nos EE.UU. por 249,99 dólares (186,99 euros).