Shadow Complex confirma que os xogos descargables poden ser de alta calidade
mércores, 19 de agosto do 2009
Que o estudo de Chair
Entertainment (Epic Games) desenvolvese un xogo para Xbox LIVE Arcade xa é unha
nova de por si, pero cando o xogo descargable é nada menos que unha excelente
aventura de desprazamento lateral movida polo Unreal Engine 3, presentando uns
gráficos tridimensionais de calidade pero conservando certa mecánica 2D,
estamos a falar entón dun dos principais lanzamentos do ano para a Xbox 360,
que deixa claro que Arcade non
implica que falemos dun tÃtulo menor.
Shadow
Complex chegou finalmente hoxe ao Bazar de Xbox LIVE
Arcade por 1.200 puntos (14,4 euros), contando tamén cunha versión
de demostración de balde, e está
considerado coma o mellor xogo recente para a consola de Microsoft
(superando incluso a xogos en caixa) e
do que finalmente podemos gozar. Este tÃtulo recupera a estética de Metroid (con certas reminiscencias ao
clásico Flashback e mesmo a Contra/Gryzor), e sitúanos nunha aventura (inspirada na novela Empire de Orson Scott) na que
perseguimos o rescate da moza do protagonista (Claire) á vez que procuramos
deter á Restauración (grupo terrorista que pretende dar un golpe de Estado nos
EE.UU.) facendo uso de 17 potenciadores distintos, armas e outros 100 obxectos
que servirán para infiltrarse nunha base secreta subterránea, na que derrotar
tanto a simples soldados como a enormes inimigos
finais.
Shadow
Complex fora presentado na pasada edición do E3, e finalmente está
a satisfacer as expectativas postas no mesmo, con acción, plataformas,
exploracións e pequenos puzzles que solucionar, aÃnda que coas limitacións
impostas polo tamaño que debe ocupar un xogo descargable que pode rematarse nunhas 5-10
horas.
Trailer de Shadow Complex