Sherpa, un novo asistente de voz para Android feito en España

luns, 1 de outubro do 2012 Marcus Fernández

Nas últimas horas estreouse en Google Play unha aplicación chamada Sherpa, que vén a ser un asistente de voz para Android na liña do popular Siri de Apple, que entende preguntas e ordes en linguaxe natural para responder en consecuencia dende dispositivos con Android 2.2 ou superior que facilita funcións como o control do teléfono, reproducir música, informar da meteoroloxía, xestionar o calendario, localizar establecementos ou responder a distintas cuestións.
Esta nova ferramenta aínda están en fase de probas, amosando certos problemas en terminais con Android 4.0, pero o seu funcionamento resulta prometedor, pois é capaz de interpretar o español (podendo elixir entre as variantes de distintos países) dun xeito bastante fiable para interactuar coa aplicación e iniciar distintas accións. Deste xeito podemos pedirlle ao noso Sherpa virtual que suba o volume do móbil, que active o Wi-Fi, que localice un lugar onde durmir nunha cidade en concreto, que poña unha canción sen precisar descargala (a través de Goear.com), que diga o tempo que vai facer nunha localidade en concreto, que engada unha xuntanza á nosa axenda, que responda a preguntas de distinta índole, que reserve un voo, que lea en voz alta as mensaxes de texto que cheguen ao noso móbil, que faga uso de WhatsApp, Facebook ou Twitter e moitas outras funcionalidades que irán desenvolvéndose paulatinamente, aínda que na súa fase de proba a aplicación tamén limita o número de usuarios para os que está dispoñible, de xeito que as altas de usuarios iranse realizando por orde de inscrición.


Vídeo de demostración da funcionalidades de Sherpa

PUBLICIDADE