Sonic CD para iOS ofrécese de balde por tempo limitado

luns, 31 de outubro do 2016 Marcus Fernández

Dentro da franquía Sonic de SEGA destacara en 1993 o xogo Sonic CD por editarse en soporte para Sega Mega-CD, ou sexa, en formato CD-ROM incluíndo audio de alta calidade e vídeo dentro do propio disco, que por fortuna contou con reedicións para PC, PS2, GameCube e outras plataformas ao longo do tempo, de xeito que non quedou limitado a un reducido número de usuarios que tiveron a anecdótica Sega Mega-CD e que estes días, e por tempo limitado, está dispoñible de balde para iOS nunha edición con publicidade adaptada para iPhone e iPad.
O Sonic CD pódese descargar agora na App Store de xeito gratuíto, estando restaurado o xogo para poder gozarse nas pantallas Retina dos trebellos móbiles de Apple, con xogabilidade optimizada e incluso con logros do GameCenter e marcadores en liña. Unha grande oportunidade para os nostálxicos que aínda non tiñan este título nunha plataforma de xogo moderna.

PUBLICIDADE