Sony incluirá altofalantes sen fíos co seu móbil W705

A primeiros de 2009 porase á venda o móbil Sony Ericsson W705 que se venderá conxuntamente co Wireless Home Audio System MBS-900, un sistema de altofalantes sen fíos compatible con calquera móbil Bluetooth (soportando os perfís A2DP & AVRCP) que inclúe unha pequena pantalla OLED, radio FM e un conector de audio estándar de 3,5 milímetros, o que supón unha interesante solución para a reprodución multimedia que combina 2 altofalantes de 10 W e un subwoofer de 20 W. As medidas destes altofalantes Bluetooth son de 20 x 20 x 10 centímetros.
O móbil incluíndo no paquete tampouco queda curto, e ten unha pantalla de 2,4 polgadas cunha resolución de 320 x 240 píxeles, cámara de 3,2 Mpíxeles, acceso a YouTube e Google Maps, acelerómetro, Wi-Fi, conectividade HSDPA e unha tarxeta de memoria de 4 Gb. Está optimizado para a reprodución multimedia, polo que se complementa moi ben co altofalante sen fíos.