Super Smash Bros volve a través da consola virtual da Wii

Hoxe chegou á consola virtual da Wii un clásico de Nintendo 64, Super Smash Bros, que sería o primeiro dunha saga de xogos que poderiamos definir coma de loita pero lonxe doutros títulos máis agresivos. Neste xogo poderemos elixir ao noso personaxe de Nintendo favorito (Mario, Link, Samus Aran, Pikachu…) para loitar contra outros personaxes en escenarios que resultan moi familiares (así como a música que se escoita nos mesmos).
A Super Smash Bros poden xogar de entre 1 a 4 xogadores, e o seu prezo de venda é de 1000 Wii Points (uns 10 euros), o que non está mal para un xogo que daría lugar a secuelas para GameCube (S. S. B. Melee) e Wii (S. S. B. Brawl).