Thecus N0204, o NAS máis cativo do mercado

martes, 17 de novembro do 2009 Marcus Fernández

As solucións de almacenamento en rede cada vez son máis habituais, de aí que elementos coma o seu deseño ou o seu tamaño cada vez estean máis coidados, de aí que poidamos descargar o lanzamento do Thecus N0204, que permite integrar no seu interior ata 2 discos duros SATA de 2,5 polgadas para sumar unha capacidade de 1 Tb (sendo posible configurar os discos coma RAID 0, RAID 1 ou JBOD) de xeito que teríamos o NAS máis cativo do mercado (mide 13,2 x 8,8 x 6,3 centímetros) a un prezo bastante reducido (uns 150 dólares).
Esta carcasa para conectar discos duros en rede é cativa, silenciosa, cun consumo reducido, con protección de datos, doada de configurar, con soporte para contidos multimedia (compatible con iTunes e reprodutores multimedia DLNA) e que permite a conexión en quente dos seus discos duros.
Tamén permite a conexión de discos duros externos, impresoras, webcams ou adaptadores Wi-Fi a través do seu porto USB 2.0.

PUBLICIDADE